8 ğasırlıq Qor’ӓn-i Kӓrim

1190 yılğı quldan yazılğan kitap Tokay muzeyında urın ala

907451
8 ğasırlıq Qor’ӓn-i Kӓrim

Tokat muzeyında urın aluçı 8 ğasırlıq quldan yazılğan Qor’ӓn-i Kӓrim kilüçelӓrneñ qızıqsınuın cӓlep itӓ.

Vilayӓtneñ mӓdӓniyӓ hӓm turizm mödire Adӓm çakır yasağan açıqlawında muzeylarda şaqtıy śivilizaśiyağa xas ӓsӓrneñ buluın ӓytte.

Muzeydağı ӓsӓrlӓr arasında Qor’ӓn-i Kӓrimneñ dӓ buluın beldergӓn Çakır: “Bu Qor’ӓn kitabı muzeyıbızda 2010 yılda satıp alındı. Konyada restavraśiyalӓnde. Ul êşçӓnlek 1 yıl dӓwam itte,” – dide.

Quldan yazılğan Qor’ӓn-i Kӓrimneñ 2011 birle Tokat muzeyında urın aluın ӓytkӓn mödir: “Bu Qor’ӓn Anadoludağı muzeylarıbızda bulğan iñ êlekke ӓsӓr,” – dide.

Töreklӓrneñ 1071 yıldan başlap Anadoluğa küçep kilӓ başlawların añlatqan Çakır: “Tokat hӓm tirӓ-yağı - möselman törkilӓr kilep urnaşqan urınnarnıñ berse. Tokatnıñ Niksar ilçӓse berençe mӓdrӓsӓ qorılğan urın. Bu Qor’ӓn kitabı Tokatta tabıldı. Ul 1190 yılğa qarıy. Sirӓk oçrıy torğan ӓsӓr,” – dide.

Adӓm Çakır ildӓge şaqtıy muzeynıñ bu Qor’ӓn-i Kӓrimne üzlӓrendӓ urın aluın telӓwen, monıñ belӓn ğorurlanuın citkerde.



Bäyläneşle xäbärlär