TRT kiçäse uzdı

Törkiyӓ teleradiokompaniyase TRT ğomüm mödire İbrahim Ӓrӓn TRTneň Törkiyӓ belӓn ber rӓttӓn bar dönyağa tapşıru yasawın ӓytte.

TRTneň 1968 yılnıň 31 ğinwar könne başlanğan televideniye tapşırularınıň 50 yıllığı oyıştırılğan maxsus çara belӓn qotlandı.

Prem’yer-ministr urınbasarı Bӓkir Bozdağ belӓn Transport, diňgezçelek hӓm êlemtӓ ministrı Ӓxmӓt Arslan belӓn ber rӓttӓn şaqtıy çaqırulı qunaq qatnaşqan kiçӓ İstanbulda uzdı.

Prem’yer-ministr urınbasarı Bozdağ TRTneň tarix buyı mӓktӓp wazifasın başqaruın xӓterlӓtep: “Barıbız da sport, sӓnğat’ hӓm tağın şaqtıy ölkӓdӓ zur uňışlarnı TRTdӓ kürdek,” – dide.

Kiçӓdӓ çığış yasağan Transport, diňgezçelek hӓm êlemtӓ ministrı Ӓxmӓt Arslan da TRT turında: “Dönyanıň qaysı poçmağına kitsӓgez dӓ, Törkiyӓ xӓbӓrlӓren işetӓ alasız,” – dide.

İbrahim Ӓrӓn TRT östenlegeneň milli qimmӓtlӓr hӓm urtaq wöcdan buluına da basım yasadı.

Kiçӓdӓ TRTneň ütkӓnenӓ qarağan video yazmalar kürsӓtelde.