“Altın tac” belän “Taw käcäse statuêtkası” kire qayttı

Meñnärçä yıllıq tarixi äsärlär “Altın tac” belän “Taw käcäse statuêtkası”  Törkiyägä kire qayttı. Alarnı täq’dim itü çarasında Mädäniyät häm turizm ministrı Numan Kurtulmuş ta qatnaştı.

 Ul qayber tarixi äsärlärneñ tabılğan cirlärennän urlanıp başqa illärgä alıp çığuların, sänğätkä ähämiyät birüçe sanalğan däwlätlärneñ galereyaları häm muzeylarına quyıluın söyläde. Mondıy xällär Törkiyädä dä bulğan. Qazu êşläre waqıtında urlanğan äsärlär Angliya, Germaniya häm Amerika Quşma Ştatları muzeylarında urın alğan.

Törkiyä alarnı kire qaytaru öçen êş alıp bara. “Altın tac” Anadolunıñ könyaq-könbatışındağı Karya töbägennän tabılğan. Yaqınça 2 meñ 400 yıllıq äsär. Anıñ êzenä Şotlandiyadä töşälär. Mäxkämä utırışları başlana. Annan Törkiyä tarafı xaqlı çığa häm äsär tuğan cirenä qaytarıla.

Taw käcäse statuêtkası da qaytqannan soñ kötelgän äsärlär sanı 55 qaldı. Alarnı da iñ yaqın arada Törkiyägä kire kiterü öçen tırışabız, dide ministr.