Franśuz pianisttan Fӓlӓstin konśertı

Stefan Blet Törkiyӓneñ Sivas şӓhӓrendӓ Fӓlӓstin öçen konśert quydı

874611
Franśuz pianisttan Fӓlӓstin konśertı

Franśuz pianist hӓm köy yazuçı Stefan Blet Törkiyӓneñ Sivas şӓhӓrendӓ Fӓlӓstin öçen konśert quydı.

Cömhüriyӓt Universitetınıñ Mӓdӓniyӓt üzӓgendӓ oyıştırılğan konśertta açıqlaw yasağan Blet 25 yıl buyı Fӓlӓstin hӓm fӓlӓstinlelӓr öçen körӓşüen belderde.

Blet: “25 yıl buyı alar öçen konśert quyam. Awrupada da körӓşergӓ tırışam, lӓkin qızğanıç Franśiyada körӓşü awırlaştı, çönki medialarıbız sionist bulğanı öçen bezgӓ dӓğwalar açalar, boykot yasıylar. Lӓkin bez dӓwam itӓbez hӓm itӓçӓkbez dӓ. Töreklӓr belӓn çınnan da ğorurlanam, çönki sez sionizmnıñ nӓrsӓ buluın belӓsez,” – dide.

İzrailne boykot itӓrgӓ çaqırğan franśuz sӓnğatçe: “Alarğa qarşı bik qırıs boykot oyıştırırğa kirӓk, yuğisӓ fӓlӓstinle qardӓşlӓrebezne üterergӓ dӓwam itӓçӓklӓr, soñınnan bezne üterӓçӓklӓr. Alarğa boykot oyıştırıp, ber tiyen dӓ birmik. İzraildӓn kilüçe azıq-töleklӓrne, ӓyberlӓrne almiq. Minemçӓ keşelek monı bergӓ balqara ala,” – dide.

Blet törek hӓm Ğosmanlı rapsodiyalӓr, Fӓlӓstin öçen yazğan köy belӓn Çopennı uynadı.

Konsertnı şaqtıy keşe tıñladı.



Bäyläneşle xäbärlär