Robototexnikada törek uquçıları berençe
Robototexnika bäygesendä törek uquçıları berençe buldı
Rumıniya başqalası Buxarestta 10nçı tapqır oyıştırılğan “RoboChallenge” robototexnika bäygesendä Törkiyä uquçıları berençelekne yawladı.
7 ildän 116 taqımnıñ 482 yarışmaçısı qatnaşqan, Awrupanıñ iñ zur robot bäygelärennän berse bulğan “RoboChallenge” robotik-robototexnika bäygesendä “Kartal Anadolu” imam xatıyp liśeyı uquçıları Musa Sadık Ünal häm Abdurrahman Ämirhan Ünal "TeleTouch" isemle proyektları belän "Freestyle Showcase" nominaśiyasında berençe buldı.
13 törle nominaśiyasa köç sınaşılğan bäygedä Meksika, Angliya, Franśiya, Pol’şa, Kolumbiya, Kongo, Peru, Êkvador, Rumıniya häm Törkiyädän qatnaşqan komandalar 3-5nçe noyabr’ könnärendä Bıxarest politexnika universitetında yarıştı.
Sośial’ cawaplılıq, qullanu uñaylığı häm original’ dizayn şartları taläp itelgän "FreeStyle" kategoriyasında “Kartal Anadolu” imam xatıyp liśeyı uquçıları sanaq programmasın häm mexanik proyektlawın tulısınça üzläre yasağan "TeleTouch" isemle "Öç ülçämle qul xäräkätläre belän onlayn-sistema aşa robototexnika qul kontrole” proyektı berençe urınğa layıq buldı.
Professor häm dośentlardan torğan jyurineñ iğtibarın cälep itkän, konsul’tant-kiñäşçese Ärsin Ärtürk bulğan proyekt – ximik tikşerenülärdä, yıraqtan yasaluçı operaśiyalarda häm ğaläm êşçänlegendä qullanıluı öçen dizayn itelde.
Meksikada häm Êkvadorda 2018nçe yılda ütkäreläçäk robot bäygelärennän çaqıru alğan törkem ayıruça Qıtayda oyıştırılaçaq robot bäygesendä dä qatnaşunı maqsat itä.
