Ärdoğan TRTne täbrik itte

Törkiyä ilbaşı Ärdoğan Aliya İzzetbegoviçnıñ tormışı turında “Aliya” isemle serial töşerep, kürsätäçäge öçen Törkiyä teleradiokompaniyase TRTne täbrik itte.

Ärdoğan Bäştäpädäge Millät, mädäniyät häm kongress üzägendä oyıştırılğan “Wafat buluınıñ 14 yıllığında Aliya İzzetbegoviçnı iskä alu çarası”nda qatnaştı.

Çığışında TRTneñ “Aliya” isemle serialın maqtağan ilbaşı tübäñdägeçä belderde: “TRT citäkçelegen mondıy olı şäxesneñ tormışın yaqtırtqanı öçen çın küñeldän täbrik itäm, qotlıym. Original’ häm tığız êşçänlek cimeşe bulğan bu serialnıñ Aliyanıñ tağın da kiñ tanıluına yärdämçe bulacağına ışanam.”

Aliyanıñ säyäsi sośial’ häm ğil’mi mirasın yaxşılap saqlaw zarurlığın beldergän ilbaşı: “Aliya” serialın töşerügä öleş kertkän barlıq sänğatçelärebezgä, operatorlardan alıp yörtüçelärgä qadär härkemgä räxmätemne belderäm. İnşallah serial layıq bulğan qızıqsınunı millätebez dä kürsätäçäk,” – dide.

Bäysez Bosniya-Gerśegovinanıñ berençe däwlät başlığı İzzetbegoviç 2003nçe yılda yaqtı dönyadan kitkän ide.

“Aliya” serialı TRT 1 kanalında noyabr’ ayında kürsäteläçäk.