TRT World simpoziumı
Çara 18 - 19 nçı oktyabr' könnärendä İstanbulda uza
18 -19 nçı oktyabr’dä İstanbulda global’ problemalar qaraluçı simpozium uzaçaq.
Älege çaranı Törkiyä teleradiokompaniyäseneň ingliz telendä tapşırular alıp baruçı TRT World kanalı ütkärä.
Simpoziumnıň açılış çığışın Törkiyä ilbaşı Räcäp Tayyip Ärdoğan yasayaçaq.
TRT World Forumda şaqtıy ildän yaqınça 400 säyäsätçe,êşmäkär, uqıtuçı – ğalim,aktivist häm jurnalist qatnaşaçaq.
Forumnıň teması ”Bilgesezlek däwerendä üzgäreşkä ilham birü” dip atala.
Simpoziumda çığış yasawçılar arasında İspaniyanıň êlekke prem’yer-ministrı Jose Luis Rodriges Zapatero, Malkolm Xnıň qızı Ilyasah Shabazz,Törkiyä tışqı êşlär ministrı Mävlüt Çavuşoğlu,Kön’yaq Afrika qalqınu ministrı Bathabile Olive Dlamini,TRT ğomum mödire İbrahim Ärän häm RUSI ğomum direktorı Karin von Hippel da bar.
Forumda könüzäk säyäsi mäs’älälär häm medianıň cawaplılığı bäxäsläşeläçäk.
Çit il keşelärenä qarata doşmanlıq häm İslamofobiya ,humanitar yärdäm ,xalıqara sistemadağı krizis häm alarnı çişü yulları belän bäyle utırışlar ütkäreläçäk.
Älege forum häm anda qatnaşuçılar belän bäyle centekle mäğ’lümatqa forum.trtworld.com adresınnan ireşergä mömkin.
