Ӓnkaradağı rus tele uqıtuçıları oçraştı
Rusiyä ilçese Yerxov ilçelektӓ çaqıru oyıştırdı
Rusiyӓ Federaŝiyaseneň Ӓnkaradağı ilçese Aleksey Yerxov Tçrkiyӓdӓ rus telen öyrӓtüneň ӓhӓmiyӓtenӓ iğtibarnı cӓlep itep: “Bergӓ êş başqarsaq, kübrӓk sӓlӓtle törek uquçılarınıň Rusiyӓ universitetlarına kerülӓrenӓ yӓrdӓm itӓrbez,” – dide.
İlçe Yerxov ilçelektӓ oyıştırğan çaqıruda Törkiyӓdӓge rus tele uqıtuçıları hӓm uquçıları belӓn oçraştı.
Ӓnkara universitetında Törkiyӓneň berençe rus tele hӓm ӓdӓbiyatı bülege açıluınıň 70 yıllığınıň qotlanuın xӓterlӓtkӓn ilçe Puşkin, Tolstoy, Blok, Çexov kebek rus yazuçılarınıň Rusiyӓ öçen ӓhӓmiyӓten assızıqladı.
Yerxov Törkiyӓdӓge rus tele uqıtuçılarına ike il arasında küper wazifasın başqarğannarı öçen rӓxmӓt belderde.
Çığıştan soň Aleksandr Puşkinnıň “Yevgeniy Onegin” ӓsӓren törek telenӓ tӓrcemӓ itkӓn Ӓrciyӓs universitetınıň Rus tele hӓm ӓdӓbiyatı magistratura uquçısı Sabri Gürsӓs hӓm Ӓrciyӓs universitetınıň Rus tele hӓm ӓdӓbiyatı bülege başlığı Sӓvinç Üçgülgӓ rӓxmӓt xatları tapşırıldı.
