Päyğambär däwereneñ bäräkäten citkerüçe amänätlär İstanbulda

PÄYĞAMBÄR DÄWERENEÑ BÄRÄKÄTEN CİTKERÜÇE AMÄNÄTLÄR

Yawız Soltan Sälimneñ Misır säfärennän soñ İstanbulğa alıp kitergän häm annan soñğı çorlarda sannarı arta barğan bäyä birep betergesez xäzinägä äylängän “İzge amänätlär” Topkapı sarayındağı Has bülmädä 500 yıl buyı saqlana häm täqdir itelä.

"İzge amänätlär" qararğa dip Ramazan ayında tağın da kübräk keşe kilä.

Xäzräti Möxämmädneñ kamzolı, saqalı, Uhud suğışında watılğan teşe saqlanğan keçkenä tartma, ayaq êze, xatları, uqı häm qılıçı, su êçkän sawıtı, Xäzräti İbrahimneñ kostrulyası, Xäzräti Musanıñ tayağı, Xäzräti Davud, Xäzräti Ali, Xäzräti Äbubäkir häm Xäzräti Ğomärneñ qılıçı, Xäzräti Yosıfnıñ xalatı, Xäzräti Fatıymanıñ külmäge, kamzolı, namazlığı häm sandığı kebek Päyğambär däwereneñ xuş isen häm bäräkäten bügenge köngä citkerüçe yözlärçä amänät Topkapı sarayınıñ İzge amänätlär bülegendä kürsätelä.

Päyğambärlärneñ şäxsi äyberläre belän ber rättän Mäkkä häm Mädinägä qarawçı êksponatlardan torğan äsärlär dä täqdir itelgän İzge amänätlär bülegenä kilüçelär täwlek buyı Qor’än-ı Kärim tıñlıy ala.

Ändärun işek aldındağı İzge amänätlär bülege - padişaxlar qullanğan, Fatih Soltan Mäxmätneñ tä yäşäwe belengän Has bülmädä urnaşqan.

 

Änkarada “İzge amänätlär" kürgäzmäse | TRT Tatarça

Altınparkta "İzge amänätlär" kürgäzmäse häm kitap yärminkäse açıldı