Minskta tatar miğmarile cämiğ
Sovyet rejimı cimergän Minsk cämiğı Törkiyä kertkän öleşlär belän tözelgän
Belarus' başqalası Minskta 54 yıl êlek ul waqıttağı Sovyet rejimı tarafınnan cimerelgän Minsk cämiğı Törkiyä kertkän öleşlär belän tözelgän.
Yaqınça 100 meñ möselman yäşägän Belarus'ta 1890nçı yılda tözelgän, läkin Sovyet sośialist cömhüriyätlär berlege çorında urınına qunaqxanä yasar öçen cimerelgän Minsk mäçete Törkiyä Diyanät waqıfı tarafınnan çınına oxşatılıp, tözelgän.
2014nçe yılda tözelä başlağan mäçetneñ açılışı 11nçe noyabr’ könne Törkiyä ilbaşı Räcap Tayyip Ärdoğan, Belorus däwlät başlığı Aleksandr Lukaşenko, Diyanät êşläre başlığı Mäxmät Görmäz häm Awraziya töbägennän dini wäkillär qatnaşında yasalaçaq.
Çınına oxşatılıp, proyektlandırılğan mäçet tatar miğmarisena kürä yasalğan.
Tökiyä Diyanät waqıfı tarafınnan Änkarada yasalğan mönbär, keläm, bizäk êşçänlekläre isä klassik Ğosmanlı êzlären çağıldıra.
Minsk cämiğı sośial’ ixtıyaclarnı da qanäğatländeräçäk räweştä proyektlandı.
Kergän qatta konferenśiya zalı, kürgäzmä zalı-foye häm komp’yuter bülmäläre urnaşqan mäçettä 2 meñ 500 keşe ber ük waqıtta ğibadät itä alaçaq.
