Törek seriallarına  Hindıstanda  zur qızıqsınu kürsätelä

 Dönyanıñ här cirendäge kebek törek seriallarına  Hindıstanda da zur qızıqsınu kürsätelä.

Mädäniyat häm turizm ministrı urınbasarı Xösäyen Yayman Törkiyä qunaq il bulğan 18 nçe Mumbai fil’m festivale belän bäyle belderülär yasadı.

Yayman mädäniyat häm turizm ministrlığınıñ törek kinosın ,serial tarmağın üsterü häm alarnıñ tağın da kiñ masştabta qaraluı öçen tırışuların belderde.

Ministr urınbasarı törek kinosınıñ ,sänğätçelärneñ  häm seriallarnıñ Histanda bik yaratıp qaraluına söyenülären häm monıñ belän ğorurlanuların citkerde.

Yaponiyada da iñ küp törek serialları qaraluına basım yasawçı Xösäyen Yayman ,İspaniya, Latin Amerikasında da törek seriallarına zur iğtibar birelüen assızıqladı.

Anadolunıñ dinnär, tellär häm mädäniyatlar berläşkän urın buluın belderüçe Yayman ,Anadolunıñ maturlığın, tarixın tuğanlıq,duslıq häm tınıçlıq yullamasın böten dönyağa tağın da kübräk citkerüläre kiräklegen belderde.

Törkiyäneñ Mumbaidağı baş konsulı Sabri Ärgän festival’neñ Törkiyäne tanıtu cähätennän möhim adım buluın belderep :”Hindıstanda 56 million keşe törek serialların qarıy. Bu barı tik ber yıllıq kürsätkeç”,-dide.

Mumbai festivale 27 nçe oktyabr’dä tögällänäçäk.