Bryussel'da tüntäreleş kürgäzmäse

Bel’giya başqalası Bryusselda Fätullahçı terror oyışması/parallel’ däwlät qorılışınıñ tüntäreleş kereşüe belän bäyle bularaq 15nçe iyul’ fotoräsem kürgäzmäse açılğan.

Awrupalı törek demokratlar berlege tarafınnan Monaire mäydanında oyıştırılğan kürgäzmädä 40 fotoräsem urın ala. Anadolu agentlığı fotoxäbärçeläre tüntäreleş kiçendä häm soñınnan töşergän räsemnär quyılğan kürgäzmä 29nçı üktäbr’ könenä qadär baraçaq.

Kürgäzmä Bel’giyadan soñ qalğan Awrupa illärendä dä açılaçaq.

Awrupalı törek demokratlar berlegeneñ Bel’giyadağı başlığı Basir Hamarat yasağan açıqlawında 15nçe iyul’ könne törek xalqınıñ zur qayğı kiçerüen belderep: “Bez dä Awrupada qayğı-xäsrät êçendä. Monı bar dönyanıñ, bar Awrupanıñ işetüen, kürüen häm xis itüen telibez,” – digän.

Kürgäzmäne gizüçelärdän Raul Latorre isä çığışı belän Meksikalı buluın citkerep: “Kürgäzmä bik täêsirle. Tüntäreleş kereşüe belän bäyle bularaq Meksikada xäbärlärdä küp närsä işettem. Läkin mondağı räsemnärdä bulğanı kebek köçle tügel ide,” - digän.