15nçe iyul' TRT êkrannarında

Törkiyä teleradiokompaniyase TRT tarafınnan äzerlängän häm 100 bülektän toruçı “15nçe iyul qaharmannarı” dokumental’ fil’mı TRTnıñ barlıq kanallarında kürsätelä başladı.

TRTdän yasalğan açıqlawğa kürä Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüenä qarşı xalıq quyğan köräş TRTnıñ barlıq kanallarında kürsäteläçäk.

Yäşe, qartı, xatın-qız, ir-at, 7dän 70kä härkemneñ milli iradä häm demokratiyanı yaqlar öçen uramğa çığuı, qurıqmıyça tanklar aldına yatuı häm ut açılğan töndä şähit, ğazıy buluçılar urın alğan “15nçe iyul’ qaharmannarı”nıñ berençe 100 bülege töşerelgän.

Däwamı töşerelüçe dokumental’ fil’mnıñ här bülegendä ber qaharmannıñ xikäyäse añlatıla.

TRT ğomüm mödir urınbasarı İbrahim Ärän tübändägeçä belderde: “TRT yıl buyı kürsäteläçäk 100 bülektän toruçı fil’m belän bu xain kereşüne onıttırmayaçaq. Dokumental’ fil’mda ğazıylarıbızdan, şähitlärebezneñ tuğannarınnan barlıqqa kilgän waqiğalarnı tıñlağanda ul tönge çirqanıç äyberlärne häm qaharmanlıqların tağın da yaxşı añlıybız. Milli xäterne canlı totu öçen Xörmätle ilbaşıbız da äytkänçä 15nçe iyul’neñ fil’mnarın da planlıybız.”

Dokumental’ fil’m TRT1 kanalında atna êçendä 17:00dä häm prime time programmalarınnan soñ atna azağında 16:00da, TRT Haberdä atna êçendä 06.20, 13:20 häm 22:40ta, şimbä könne 09:45, 15:45 häm 21.45tä, yäkşämbe könne 09:45, 14:45 häm 22:20dä, TRT Belgesel kanalında atna êçendä 10:45, 18:55, 20:45 häm 05:10da, TRT Okulda atna êçendä 10:30, 16:25 häm 23:10da, atna azağında 17:00, 22:15 häm 00:45tä, TRT Diyanet kanalında atna êçendä 14:00dä, TRT Avazda atna êçendä 15:20 häm 17:50dä kürsäteläçäk.