Waşingtonda törek festivale

Tradiśion “Törek mirası ayı” çaraları qısalarında oyıştırılğan Waşington Törek festivaleneñ 14nçese ütkärelgän.

Waşington Törek-amerikan cämğiyäteneñ äydäp baruçanlığında Aq Yortqa yaqın ber uramda oyıştırılğan festivaldä Amerika Quşma Ştatları başqalası Waşingtonda häm tirä-yağında yäşäwçe töreklär häm törle millät keşeläre cıyılğan.

Törek mädäniyäten çağıldıruçı küp sanda çara belän ber rättän törek aş-sularınıñ iñ läzzätle rizıqları da täqdim itelgän festivaldä törek xalıq biyüläre başqarılğan.

Tradiśion qiyafätläre belän säxnägä çıqqan biyü törkeme tamaşaçılarnıñ küñelen yawlağan.

Ğosmanlı-törek mädäniyätenä bağışlanğan êşlänmälär urnaşqan stendlar da festivalgä kilüçelärneñ iğtibarın cälep itkän.

Qul belän tuqılğan törek kelämnäre belän bergä tradiśion ğosmanlı qiyäfätläre häm fayansları urnaşqan stendlar zur qızıqsınu uyandırğan.

Balalarğa maxsus äzerlängän yal itü mäydannarı isä festivalgä kilgän ğailälärneñ yaratqan urını bulğan.