TRT dokumental film könnäre ütkärelä

TRT Törkiyä teleradiokompaniyäseneñ 8nçe TRT dokumental film könnäre 12nçe-16nçı may könnärendä İstanbulda uzaçaq.

8nçe TRT dokumental film büläkläreneñ êşçänlek häm final atnalığı bulğan TRT dokumental film könnärenä bıyıl 47 ildän 427 film möräcäğät itte.

Filmnar 12nçe, 13nçe, 14nçe häm 15nçe may könnärendä dürt ayırım zalda: Harbiyä bistäsendäge TRT İstanbul Harbiyä radio yortı häm Notre Dame De Sion frantsuz litseyınıñ aktlar zalı belän Bäyoğlu bistäsendäge Akbank sänğäte üzägendä häm Tunneldäge Tarık Zafär Tunaya mädäniyät üzägendä kürsäteläçäk.

TRT dokumental film könnäre Emmy bülägenä iyä rejissyornıñ dokumental filmı belän başlanaçaq.

TRT dokumental film könnäreneñ açılış filmı - Emmy büläge iyäse rejissyor Mani Y. Benchelahnıñ "Sörgen: bala yäştäge qaçaqlarnıñ könlekläre” isemle dokumental filmı bulaçaq häm tä’sirle xikäyäse bulğan şuşı üzençälekle dokumental film Törkiyädä berençe tapqır TRT dokumental film könnärendä täqdir iteläçäk.

TRT dokumental film könnäreneñ film kürsätü programmasına yaqınça 50 tiräsendä dokumental film kertelgän bulsa, rejissyor qatnaşuında finalist film tamaşaları bıyılda däwam itäçäk.

Bäygedä qatnaşmawçı filmnarnı kürsätü bülegendä isä bıyıl "Suğış häm mäcbüri küçenü” temalı dokumental filmnar täqdim iteläçäk Panorama öleşe bar. Bu bülektäge filmnar dönyanıñ kön tärtibendä könüzäk urındağı “sıyınuçılar” mäs’äläsenä törle geografiyälärdän üzgä qaraşlarnı täqdim itkän bulsa, suğışlar yul açqan şuşı faciğäne, tragediyanı törle yaqları belän tä’sirle räweştä yaqtırtuçı, şuña kürä dä soñğı yıllarnıñ iñ küp iğtibar kürgän filmnarı arasınnan saylap alındı. 6 ildän 7 dokumental film çaqırılğan rejissyorları belän bergä panorama tamaşaları qısalarında tamaşaçılar belän oçraşaçaq.

Atna buyı däwam itäçäk çaralar waqıtında film kürsätüläre belän ber rättän Harbiyä radio yortınıñ baqçasında käyefle öste açıq mäydanda kontsert häm dokumental film oçraşuları kebek törle sotsial çaralar da oyıştırılaçaq.

TRT dokumental film könnäre / 16nçı may kiçendä TRT Täpäbaşı studiolarında uzaçaq häm televizion kanallarınnan turıdan-turı tapşırılaçaq büläk tantanası häm maxsus kiçä belän tämamlanaçaq.

Dokumental filmnar belän qızıqsınuçılar prezentatsiya programması, festival çaraları, filmnar häm rejissyorlar belän bäyle täfsille mäğlümatlärne häm film treylerların www.trtbelgesel.com häm http://www.trtbelgesel.com adresınnan alırğa häm qararğa bula.

Filmnar härwaqıttağıça xalıqqa açıq räweştä häm tüläwsez kürsäteläçäk.