Törkiyä “qoş tele”n YUNESKOğa täqdim itä

Törkiyäneñ “qoş tele” – dönya mädäniyäte mirasına namzät.

439439
Törkiyä “qoş tele”n YUNESKOğa täqdim itä

Giräsunnıñ Çanakçı ilçäsenä bäyle Kuşköy awılında töbäk xalqı tarafınnan añlaşu tele bularaq qullanılğan "qoş tele"neñ YUNESKOnıñ "Keşelek dönyasınıñ matdi bulmağan mädäni mirası" namzätlege öçen dosiyä äzerlänä.

Törkiyä mädäniyät häm turizm ministrlığı belän “YUNESKO"nıñ Törkiyä wäkillärennän torğan wäkillek Giräsun vilayäte idaräsendä ütkärelgän cıyılışta namzätlek öçen dosiyä äzerlek eşçänlegen başlattı.

Vilayät mädäniyät häm turizm mödire wäkile Hulusi Güläç Kuşköy awılı xalqınıñ qoş telen ğasırlar buyı töbäktä xäbärläşüdä qullanuın äytte.

Güläç 3 könlek eşçänlek belän namzätlek dosiyäseneñ äzerlänäçägen assızıqlap: “Qoş telen Bötendönya mädäniyät mirasına kertä alu öçen yaqınça 5 yıl buyı köräş alıp barabız. Möhim yul uzdıq. Alıp barılğan şuşı êşçänlek belän äzerlänäçäk dosiyä belän namzätlek möräcäğätebezne yasayaçaqbız. Qoş telen “Matdi bulmağan mädäniyät mirası" itep raslatıp, Törkiyädä täwge ğämälne tormışqa aşıraçaqbız", - dip äytte.

Törekçädän tatarçağa Säğit Xäyri tärcemäse



Bäyläneşle xäbärlär