Yevrovideniyeda qırım tatar cırı
Cır bäygesendä "1944" isemle cır yañğırayaçaq
Yevrovideniye 2016da Ukrainanıñ cırı Rusiyäneñ açuın çığaraçaq.
May ayında Şvetsiya başqalası Stockholmda 61nçese oyıştırılaçaq bäygedä Ukrainanı bıyıl Cämilä wäkillek itäçäk.
Cämilä yaqınça 200 meñ qırım tatarının 1944nçe yılnıñ 18nçe may könne ruslar tarafınnan sörgengä cibärelüen añlatuçı “1944" isemle cır başqaraçaq.
Cır tübändäge süzlär belän başlana: “Çit keşelär öyeñä kilä, barığıznı da üterä."
Törkiyägä yullama yasağan cırçı: “Yevrovideniyeda Ukrainanı wäkillek itsäm, törek xalqı üz xalqın xuplağan kebek mine dä xuplar dip uylıym," – dide.
Qırım tatar cırçısı “1944" isemle cırın äbiseneñ 5 bala belän 1944nçe yılnıñ 18nçe may könne Qırımnan Urta Aziyağa sörgengä cibärelüen añlatqannan soñ yazuın açıqlağan ide.
İkençe bötendönya suğışında Stalin amere belän Sovyet Berlege xökümäte almannar belän xezmättäşlek başqaruları ğayebennän qırım tatarları xaqında sörgengä cibärü qararın ala.
1944nçe yılnıñ 18nçe may könne başlanğan sörgendä yaqınça 200 meñ qırım tatarı Üzbäkstan, Qazaqstan häm Sovyetlar Berlegeneñ qalğan töbäklärenä sörgen itelä.
Alsu Miftax tärcemäse
Bäyläneşle xäbärlär
23 nçe aprel' gala programması
46 nçı Xalıqara 23 nçe aprel’ Balalar bäyrämeneñ gala kiçäse ilbaşı qatnaşında uza
Êverestta yuğalğan tawmenär xatları
Al'pinistnıñ xäläl cefetenä yazğan xatları 100 yıldan soñ cämäğat’çelek belän urtaqlaşıldı