Azärbaycanda ozın ğomerlelär festivale

Ölkän yäştäge keşelär Lerik ilçäsendä oçraştı.

Mädäniyät häm turizm ministrlığı oyıştırğan festivaldä ilneň törle töbäklärennän yäşläre 70tän uzğan keşelär qatnaştı.

Ozın ğomerlelär töbäge bularaq tanılğan Lerikta festival qısalarında quldan yasalğan äyberlär, kitap häm fotoräsem kürgäzmäläre oyıştırıldı.
Yärminkädä olı yäştägelärgä xas äyberlär täqdim itelde.

Qatnaşuçılar ozın ğomer serlären Törkiyä teleradiokompaniyasenä aňlattı.

Qayberläre: “Taw suların eçtek, ikmägen aşadıq. Atqa mendem. Bolar ğomerne ozınayta,” – dide.

Qayberläre isä: “Yarsu häm açuıňnı kontrol itep, sabırlı bulırğa kiräk,” – dip kiňäş birde.

Çara qısalarında törle töbäklärdän aşçılar qatnaşqan “Pılaw festivale” dä oyıştırıldı.

Aşçılarğa büläk tä tapşırıldı.

Festival kontsert belän azağına yaqınlaştı.