"Altın Arıslan" büläge iyäsenä tapşırıldı
Büläk Şvetsiyale rejisser Roy Anderssonnıň “Kügärçen talğa qundı, uyğa çumdı” isemle filmğa birelde
116625
71nçe Venetsiya film festivalendä iň yaxşı filmğa birelgän “Altın Arıslan” bülägeneň iyäse bilgele buldı.
Alexandre Desplat räislegendäge jyuri “Altın arıslan”nı Şvetsiyale rejisser Roy Anderssonnıň komediya-drama törendäge “Kügärçen talğa qundı, uyğa çumdı” isemle filmğa birde.
Bülägen Venetsiya Biennale başlığı Paolo Baratadan alğan Andersson kino karyerasında italiyan filmnarınnan tä’sirlänüen belderep: “Venetsiya film festivalendä bu büläkne alu minem öçen ğorurlıq,” – dide.
Büläk öçen köç sınaşqan filmnar arasında Kaan Müjdecineň “Sivas” filmı ta bar ide.
Arıslan isemle 11 yäşlek malay belän Sivas isemle Kangak eteneň daladağı duslıq xikäyäsen aňlatuçı film jyurineň maxsus bülägenä layıq bulıp kürelde.
Filmda uynağan Doğan İzci isemle yäş uyınçı “İň yaxşı ir-at uyınçı” bülägen alğan ide.
