Hatayda Urta diñgez läzzätläre

4 kön baraçaq çarada 17 Urta diñgez ilennän tanılğan şef häm gurmannar illäreneñ aş-suların tanıtaçaq.

Törle din häm mädäniyätlärne üz eçenä alğan Hataynıñ baylığı aş-sularına da çağılğan.

Hatay şähäre distälärçä tördäge aş-su häm läzzätläre belän “Bötandönya gastronomiya şähäre” bulu öçen namzätlege UNESCO tarafınnan qabul itelgän dönyadağı 4 şähärdän berse bulıp tora.

Vilayät koordinatsiyasendä “Hatay vilayäte yañalıq platformı” tarafınnan oyıştırılğan çara kortej yöreşe belän başlanıp kitte.

Däfnä, yägni lavr yafraqları belän bizälgän at abrası östendä urnaşqan Däfnä häm Apollon animatsiyase iğtibarnı cälep itä.

“Min, sin, ul yuq! Bez bar,” – dip yazılğan maşinadan keşelärgä kanäfer çäçäkläre ırğıtıldı.

Hatay vilayät başlığı Cäläletdin Läkäsez mäs’älä belän bäyle bularaq: “Hatay, çınnan da, tarixnıñ här çorında diyärlek ayırmalı bulğan. Törle din häm mädäniyätlärne ğasırlar buyı yäşätkän. Monıñ belän ber rättän bik möhim baylıqlar bar. Alarnıñ berse – aş-sular. 600 tiräse törle aşları belän şaqtıy xalıqnıñ aş-sularınnan kübrägenä iyä. Şul räweşle, Hatay şähären häm ilebezne tanıtırğa telädek,” – dide.