İstanbul - iň yaxşı säyäxät urını

İstanbul Angliyada çığuçı “Chelsea Monthly” jurnalı tarafınnan oyıştırılğan “National Luxury and Lifystyle” bäygesendä iň yaxşı säyäxät urını kategoriyasendä berençe urınnı aldı.

Turizm ministrlığı açıqlawına kürä İstanbul 51.120 keşe internetta tawış qullanğan bäygedä qalğan namzätlärne artta qaldırdı. İstanbul, Mauritius, Tokio, Bangkok, Cape Town, Praga, Sydney, Şanghay häm Bermuda belän yarıştı.

"National Luxury and Lifestyle" büläkläre lyuks produktsiya, marka häm xezmät kürsätü urınnarına birelä.

İstanbul aprel ayında da dönyanıň iň zur säyäxät säxifalärennän berse bulğan TripAdvisor tarafınnan iň yaxşı säyäxät urını saylanğan ide.

Turizm ministrlığı kürsätkeçlärenä kürä 2013tä İstanbulğa kilgän turist sanı aldağı yıl belän çağıştırğanda 12%ka artıp, 10 million yarımğa citte.