“PKK”nıň peşmärgägä höcüme närsäne aňlata?

Säyäsi,iq’tisadi häm soŝial’ tikşerenülär waqıfı SETAnıň  tışqı sӓyӓsӓt tikşerenüçese  Can Acunnıň mäs’älä belän bäyle aňlatmasın tӓq’dim itӓbez.

Törkiyä Ğıyraqnıň tön’yağında terrorğa qarşı köräşne köçäytkän waqıtta “PKK” terror oyışmasınıň turıdan - turı Ğıyraq körd regional’ citäkçelegeneň xärbi köçe bulğan peşmärgägä höcüm itä başlawın küräbez. Soňğı terror höcümnärendä 7 peşmärgäneň ğomere özelde, şaqtıy keşe yaralandı. Ğıyraq körd regional’ citäkçelegendä “PKK” terror oyışmasına qarşı açu - yarsu bar.

Soňğı däwerdä Ğıyraqnıň tön’yağında Ğıyraq körd regional’ citkçelegeneň xärbi köçe peşmärgälär belän “PKK” terror oyışması arasındağı kiyerenkelek waqıt-waqıt bäreleşlärgä äylänsä dä, “PKK”nıň Duxoknıň Amedi töbägendä peşmärgägä bäyle Zeravani köçlärenä höcüme belän tağın da arttı. Soňğı terror höcümendä 6 peşmärgäneň ğomere özelde, küp sanda peşmärgä yaralandı. Başqa ber cirdäge höcümdä dä 1 peşmärgä ğomeren yuğalttı. Bu höcümnär arqasında kilep çıqqan zur yuğaltu Ğıyraq körd regional’ citäkçelegendä açu-näfrät barlıqqa kiterde, “PKK” isä üzeneň turıdan - turı cawaplılığı bulmawı turında propaganda alıp bara.

 “PKK” terror oyışması mäs’älä belän bäyle belderüendä Metinada üz mäydannarına kerergä telägän peşmärgäne kisätülären ,läkin höcüm itmäwlären citkerä. Ämma barlıq dälillär “PKK”nıň açıq räweştä peşmärgä köçlärenä höcüm itüen kürsätä. Ğıyraq körd regional’ citäkçelege wäqalätleläre, şul isäptän prem’yer-ministr Barzani da, turıdan - turı “PKK”nı kisken räweştä ğayeplädelär.

Çınlıqta, beraz artqa borılıp qarasaq, bu êskalyaśiyanıň kilgäne kürenä ide. Törkiyäneň Ğıyraqnıň tön’yağında “PKK”ğa qarşı operaśiyäläre häm “PKK”nı çik buyınnan kiregä çigenderep alğa baruı, Xaftanin, Avaşin - Basyan, Metina kebek töbäklärdä urnaşuı , bu barışta peşmärgäneň dä Törek Qorallı Köçlärenä yaqlaw kürsätüe “PKK” terror oyışmasın qıyın xäldä qaldırdı.

Oyışma awır yuğaltularğa östäp üze kontrol’ itkän töbäklärdä logistik liniyälären yuğalta başladı. Bu bäyläneştä açıq räweştä peşmärgäne dä maqsat itep alıp töbäktäge barlığın saqlap qalırğa omtıla.

Terror oyışması töbäktäge xaostan faydalanıp häm Ğıyraq körd regional’ citäkçelegeneň avtoritetın tanımıyça xäräkät itä ide.

 700 dän artıq awıl “PKK” kontrolendä ide häm bu Ğıyraq körd regional’ citäkçelegeneň,ayıruça Kördestan demokrat partiyäse (KDP) poziśiyäläre seňderä almağan xäl ide. Läkin Törek Qorallı Köçläreneň töbäktä köçle räweştä “PKK” terror oyışmasına höcüm itüe şulay uq KDP öçen mömkinlek tudırdı häm tübän intensivlıq belän bulsa da “PKK” ğa qarşı çaralar kürüenä kiterde.  

Peşmärgä – PKK köräşe kiläçe çorda tağın da artaçaq häm ul Törkiyäneň terrorğa qarşı köräşenä yärdäm itäçäk dip farazly alabız.