Avtomobil’ sänäğate tarmağında rekord
Tarmaq uzğan yıl da Törkiyä êksportında berençe urınnı saqlap qaldı

Törkiyä êksportınıñ aldınğı tarmağı bulğan avtomobil’ sänäğate 2024 nçe yılda 37 milliard 212 million dollar külämendä êksport başqardı.
Tarmaqnıñ uzğan yılğı çitkä satuı, annan êlekke yıl belän çağışrrtığanda, 6,3%qa kübräk.
Avtomobil’ tarmağınıñ Törkiyä êksportındağı öleşe 17,3% täşkil itte.
Törkiyä êksportında berençe urınnı saqlap qalğan tarmaq soñğı 19 yılda 18 nçe tapqır êksport çempionı buldı.
Uzğan yıl tarmaqnıñ iñ zur bazarı bulğan Germaniyägä 4 milliard 856 million dollarlıq êksport başqarıldı.
Tarmaqta 68,2% öleşe belän iñ zur illär törkeme bulğan Awrupa Berlege illärenä 2024 nçe yılda 25 milliard 300 million dollar külämendä êksport yasaldı.
Uzğan yıl başqa Awrupa illärenä êksport 25%qa, Tön’yaq Amerika irekle säwdä töbägenä 17%qa, Okeaniya illärenä 55% qa arttı.