Afrika illärenä êksport 15 milliard dollardan artqan

Törkiyä êksportçılar assambleyası kürsätkeçlärenä nigezlänep citkerelgän mäğ’lümatkä kürä, Törkiyäneñ Afrika illärenä êksportı ağımdağı yılnıñ 10 ayında 2023nçe yılnıñ şul uq çorına qarağanda 1,8%qa artıp, 15 milliard 100 million dollarğa citte.

Afrikağa satu miq’darı Törkiyäneñ tuplam êksportınıñ 7%ın täşkil itte.

Qıytğa Törkiyäneñ şuşı çorda il törkemnäre reytingında iñ küp êksport yasağan 12 il törkeme arasında 6nçı buldı.

Ğıynwar-oktyabr’ çorında Afrika qıytğasında Törkiyäneñ iñ küp êksport başqarğan illär 2 milliard 900 million dollar belän Misır, 2 milliard yarım dollar belän Marokko, yaqınça 2 milliard dollar belän Aljir, 1 milliard 900 million dollar belän Liviyä, 859 million 200 meñ dollar belän Tunis, 514 million yarım dollar belän Kön’yaq Afrika Cömhüriyäte, 482 million 100 meñ dollar belän Nigeriyä, yaqınça 343 million dollar belän Cibuti, yaqınça 313 million dollar belän Gana, 301 million 100 meñ dollar belän Senegal bularaq bilgelände.

Tarmaq bularaq şuşı çorda Afrika illärenä iñ küp êksportnı 2 milliard yarım dollar belän ximik matdälär häm produktları, 2 milliard 300 million dollar quzaqlılar häm maylı orlıqlar häm produktları, 1,7 milliard dollar belän qorıç, 1,2 milliard dollar belän avtomobil’ industriyäse, 1,1 milliard dollar belän êlektr häm êlektronika tarmaqları yasadı.