Xalıqara valyuta fondı häm Dön’ya bankınıñ cıyılışları başlandı

Xalıqara valyuta fondı häm Dön’ya bankınıñ yıllıq cıyılışları Yaqın Könçığıştağı bäreleşlärneñ artuı belän bilgesezleklär kübäygän, global’ iq’tisadnıñ üseşe zäğıyf’ torğan çorda başlandı.

Dön’ya finansınıñ liderların AQŞ başqalası Vaşingtonda berläştergän utırışlar 26nçı oktyabr’gä qadär däwam itäçäk.

Xalıqara valyuta fondı häm Dön’ya bankınıñ yıl sayın uzuçı cıyılışlarında bik küp ilneñ finans ministrları, üzäk bank xezmätkärläre, şäxsi tarmaq häm ictimağıy oyışmalarnıñ wäkilläre belän ğalimnär qatnaşa. Bıyıl anda iq’tisadi üseşneñ tübän buluı, burıç däräcäläre artuı, klimat üzgärü häm yasalma aqıl şikelle temalar qaralaçaq.  

Çarada Törkiyäne qazna häm finans ministrı Mäxmät Şimşäk belän Üzäk bank räise Fatix Qaraxan wäkillek itä.