Diñgez produktları êksportı arttı

Bıyılnıñ 8 ayında Törkiyäneñ Qara diñgez töbägennän 30 ilgä diñgez produktları êksportlandı.

Könçığış Qara diñgez êksportçılar assośiyaśiyäseneñ idarä şurası başlığı Saffät Kalyoncu beldergänçä, ağımdağı yılnıñ ğıynwar – avgust aylarında çit illärgä 37 meñ 15 tonna diñgez êşlänmäläre cibärelde, çitkä satu il iq’tisadına 227 million 17 meñ 717 dollar tabış kiterde.

Bu isä, uzğan yılnıñ şul uq çorı belän çağıştırğanda, küläm yağınnan 23%qa, qıymmät yağınnan 11%qa kübräk.

Diñgez êşlänmälären iñ küp Rusiya, Niderland häm Böyekbritaniya satıp aldı.

Rusiyägä 99 million 277 meñ 28 dollar, Niderlandqa 25 million 745 meñ 391 dollar häm Böyekbritaniyägä 21 million 973 meñ 52 dollar külämendä produkśiya cibärelde.