Törkiyäneñ Könçığış Qara diñgez töbäge 11 ilgä bal sattı
Çitkä satu il iq'tisadına 1 million 411 meñ 504 dollar tabış kiterde
2185058
Bıyılnıñ 8 ayında Törkiyäneñ Könçığış Qara diñgez töbägennän 11 ilgä bal êksportlandı.
Könçığış Qara diñgez êksportçılar assośiyaśiyäseneñ idarä şurası başlığı Saffät Kalyoncu ağımdağı yılnıñ ğıynwar – avgust aylarında töbäktän çit illärgä 336 tonna bal cibärelüen häm annan 1 million 415 meñ 656 dollar tabış alınuın belderde.
Amerika Quşma Ştatları, Germaniya häm Soğud Ğaräbstanı iñ küp bal satıp alğan illär buldı.
Bu çorda AQŞqa 665 meñ 390 dollar, Germaniyägä 376 meñ 367 dollar, Soğud Ğaräbstanına 154 meñ 53 dollar külämendä bal cibärelde.
Bıyılnıñ 8 ayında, uzğan yılnıñ şul uq çorınnan ayırmalı bularaq, Berläşkän Ğaräp Ämirlekläre, Liviya, Qatar, Oman, Azärbaycan, Bangladeş, Bel’giya häm Böyekbritaniyägä dä bal êksportlanğan.
