Törkiyä - Awrupanıñ iñ zur könküreş texnikası citeşterüçese

Sänäğat’ häm texnologiyä ministrı Mäxmät Fatix Kacır Törkiyäneñ Awrupadağı iñ zur könküreş texnikası citeşterüçese buluın söyläde. Ul Ispartada fabrika açılışı tantanasında yasağan çığışında fänni-texnik tikşerenü êşçänlekläre öçen çığımnarnı yılına 1,2 milliard dollardan 12 milliard dollarğa citkerülären belderde.  “Sänäğat’tä êşläwçelär sanı 3 million 900 meñnän 6 million 700 meñgä citte. Oyıştırılğan sänäğat’ mäydannarı isä 191dän 360qa kütärelde häm tözelgän 45 industriyä töbäge Törkiyäneñ citeşterü bazasına äwerelde”- dip söyläde ministr.

Kacır texnika citeşterüneñ yılına 357 meñnän 1 million yarımğa kütärelüenä iğ’tibarnı cälep itte. Ul: “Könküreş texnikası citeşterü yılına 6,7 million danädän 32,3 millionğa citte. Millätebezneñ 60 yıllıq cirle häm milli avtomobil’ xıyalın “TOGG” belän tormışqa aşırdıq” -dip axırğı uñışlarnı sanadı.