Rusiyä kripto aqçalarnı qullana başlıy

Rusiyä 1nçe sentyabr’dän xalıqara tüläwlärdä kripto aqçalarnı qullana başlıy. Döres, älegä sınap qaraw şartı belän. Amerika Quşma Ştatları Rusiyägä qarata sankśiyälärne arttırğan sayın şirkätlärneñ xalıqara säwdädä aqça äyläneşe belän bäyle problemaları xökümätneñ kön üzägendä. Rusiyä wäqalätleläre anı çişü öçen al’ternativ yullar êzli.

İl kripto aqçalarğa qarata şaqtıy kisken poziśiyädä tora ide, tik xäzer xäl üzgärä başladı. 2022nçe yılda Ukraina suğışı başlanğaç Rusiyä bankaları SWİFT tüläw sistemasınnan çığarıldı. Şunnan soñ kripto aqçalar kiñ tarala başladı.

Rusiyä däwlät başlığı Vladimir Putin 8nçe avgustta imzalağan qarar belän kripto aqçalarnı xalıqara tüläwlärdä häm Foreks êşçänleklärendä sınap qaraw şartı belän qullanuğa röxsät birde. 1nçe sentyabr’dä başlanaçaq prośessnı Rusiyä Üzäk bankı kontrol’dä totaçaq.