Könçığış Qara diñgez töbäge 29 ilgä bal sattı
Çitkä satu 1 million 411 meñ 504 dollar tabış kiterde
Bıyılnıñ 7 ayında Törkiyäneñ Könçığış Qara diñgez töbägennän 29 ilgä bal êksportlandı.
Könçığış Qara diñgez êksportçılar assośiyaśiyäseneñ idarä şurası başlığı Saffät Kalyoncu ağımdağı yılnıñ ğıynwar – iyül’ aylarında çit illärgä 335 tonna bal cibärelüen häm annan 1 million 411 meñ 504 dollar tabış alınuın belderde.
Kalyoncu bilgeläp uzğança, Amerika Quşma Ştatları, Germaniya häm Soğud Ğaräbstanı iñ küp bal satıp alğan illär buldı.
Bu çorda AQŞqa 665 meñ 390 dollar, Germaniyägä 376 meñ 367 dollar, Soğud Ğaräbstanına 154 meñ 53 dollar külämendä bal cibärelde.
Bıyılnıñ 7 ayında, uzğan yılnıñ şul uq çorınnan ayırmalı bularaq, Berläşkän Ğaräp Ämirlekläre, Azärbaycan, Liviya, Qatar, Oman, Bangladeş, Bel’giya häm Böyekbritaniyägä dä bal êksportlanğan.
