Nigeriyada neft' qaraqlığı

Afrika qıytğasınıñ neft’ häm tabiğıy gazğa bay ile Nigeriyada 10 yılda 1,8 milliard dollarlıq qara altın urlanğan.

Nigeriya sänäğat’ açıqlığı iniśiativası ğomum särqatibe Ogbonnaya Orji beldergänçä, ildä neft’ çığarıluçı töbäklärdä artqan höcümnär häm ob’yektlardan qara altın urlawlar iq’tisadqa naçar yoğıntı yasawın däwam itä.

İldä 2009-2018nçe yıllarda neft’ êşkärtü urınnarınnan 4,2 milliard litr qara altın yuqqa çıqqan. Bu köndälek 140 meñ miçkä dip farazlana.

Nigeriyada 200dän artıq qanunsız neft’ êşkärtü ob’yektı bar.

İldäge qara altın yatmaları yaqınça 37 milliard miçkä dön’ya rezervınıñ 3,1%ın täşkil itä.  Nigeriya neft’ çimalı citeşterüdä berençe 15 däwlät arasına kerä. Ul iñ küp qara altın rezervına iyä 8nçe il häm neft’ êksportında 6nçı urında.

Neft’ yatmaları tabılğan Del’ta töbägendä qorallı törkemnärneñ sabotajları, bäreleşlär häm keşe urlaw şikelle oçraqlar yış bula.