Rusiyä häm Belarus' aşlığına salımnı arttıralar

Awrupa Berlege illäre Rusiyä häm Belarus’tan alınuçı aşlıqqa häm qayber başqa awıl xucalığı tovarlarına yuğarı tamğaxanä salımı kertergä qarar qıldı. Bu xaqtağı belderüdä äytelgänçä, salım şulqadär yuğarı bulaçaq ki, älege êşlänmälärne importlawdan tuqtarğa mäcbür qalaçaqlar. Älege adım Awrupa Berlege aşlıq bazarınıñ totrıqsızlaşuına kirtä quyaçaq dip farazlana. Monnan tış, maqsat - bu räweşle Rusiyäneñ Ukraina territoriyäsendä citeşterelgän häm qanunsız yullar belän qulğa töşerelgän aşlıq êksportın da tuqtatu, älege il belän 2022nçe yıldan birle baruçı suğışnı finanslaw öçen Awrupa Berlegenä êksporttan kergän keremnärgä kirtä quyu.

Belderüdä äytelgänçä, çaralar Rusiyä häm Belarus’tan Awrupa Berlegenä turıdan-turı êksport belän bäyle, Awrupa Berlege aşa öçençe däwlätlärgä cibärügä qağılmıy.  

Yaña qağıydälär 1nçe iyül’dä ğamälgä keräçäk.