Çäy êksportı artqan

Türkiyäneñ ağımdağı yılnıñ ğıynwar - avgust aylarındağı çäy êksportı 22%qa artıp 18 million 493 meñ dollarğa citte.  

Bu xaqta Könçığış Qara diñgez êksportçılar assośiyaśiyäseneñ idarä şurası başlıq urınbasarı Äxmät Xamdi Gürdoğan belderde.

Gürdoğan bilgeläp uzğança, bıyılnıñ 8 ayında cit illärgä 3 meñ 832 tonna çäy cibärelde, älege eksporttan 18 million 493 meñ  dollar tabış alındı.

Ağımdağı yılnıñ ğıynwar - avgust aylarındağı çäy êksportı uzğan yılnıñ şul uq çorı belän çağıştırğanda 22%qa arttı.

İñ küp çäy satılğan illär  - Bel’giya, Amerika Quşma Ştatları, Böyekbritaniya.

Türkiyä çäye 8 ayda 110 il, üzidaräle häm irekle zonalarğa satıldı, il êksportınıñ 43%ı Rizädän başqarıldı.