Türkiyä 15 ilgӓ Qara diñgezneñ söläyman balığın sattı
Älege êksport il iq'tisadına 46 million 312 meň 374 dollar tabış kiterde
Bıyılnıñ biş ayında Türkiyäneñ Könçığış Qara diñgez töbägennän 15 ilgä söläyman balığı cibärelde.
Bu xaqta Könçığış Qara diňgez êksportçıları assośiyäśiyäseneñ idarä şurası başlığı häm diñgez produktları tarmağı komitetı räise İsmail Kobya belderde.
Kobya bilgeläp uzğança, ağımdağı yılnıñ ğıynwar-may’ aylarında çit illärgä 6 meñ 804 tonna söläyman balığı satıldı häm annan 46 million 312 meň 374 dollar tabış alındı.
Bu uzğan yılnıñ şul uq çorı belän çağıştırğanda, miq’dar yağınnan 199%qa, qıymmät yağınnan 187%qa kübräk.
Söläyman balığın iň küp satıp aluçı il – Rusiya. Rusiyägä älege çorda 39 million 752 meñ 496 dollar külämendä balıq cibärelde.
İkençe urında 2 million 952 meñ 529 dollarlıq balıq satıp alğan V’yetnam, öçençe urında 2 million 525 meñ 983 dollarlıq balıq êksportlanğan Belarus’ tora.
Könçığış Qara diňgez êksportçıları assośiyäśiyäseneñ diñgez produktları tarmağı komitetı räise İsmail Kobya êksportta illär törlelegeneñ könnän - kön artuına basım yasap, uzğan yıldan ayırmalı bularaq, bıyılnıñ biş ayında balıq satıp aluçılar isemlegenä M’yanma, İndoneziya, Malayziya, Germaniya, Kön’yaq Koreya, Katar häm İzrail dä östälüen äytte.
Bäyläneşle xäbärlär
4 törek şirkäte - isemlektä
Dön'yadağı berençe 100 saqlanu sänäğate şirkäte isemlegenä törek firmaları da kerde
