Awıl xucalığı êksportında rekord quyıldı

Türkiyäneñ awıl xucalığı tarmağı 14 milliard 58 million dollar belän xäzergä çaqlı iñ yuğarı ğıynwar-may ayları êksportın tormışqa aşırdı.

Tarmaq êksportı ağımdağı yılnıñ berençe biş ayında 4,8%qa arttı häm  Türkiyäneñ ğomumi çitkä satudağı öleşe 13,7% täşkil itte.

Awıl xucalığınıñ 10 tarmağınnan 4e êksportta rekord quydı.

Bıyılnıñ biş  ayında börteklelär, noğıtsımannar, maylı orlıqlar häm alarnıñ êşlänmäläre ,yaña ölgergän ciläk-cimeş häm yäşelçä, zäytün häm zäytün mayı, dekorativ üsemleklär häm êşlänmäläre xäzergä çaqlı iñ yuğarı ğıynwar-may êksportın başqardılar.

Rekord quyğan tarmaqlardan iñ küp êksport Ğıyraqqa, Rusiyägä, İspaniygä häm Niderlandqa yasaldı.

Ğıyraqqa 837 million 249 meñ dollar külämendä börteklelär, noğıtsımannar, maylı orlıqlar häm alarnıñ êşlänmäläre, Rusiya Federaśiyäsenä 402 million 401 meñ dollar yaña ölgergän ciläk-cimeş häm yäşelçä, İspaniyägä 172 million 874 meñ dollarlıq zäytün häm zäytün mayı, Niderlandqa 19 million 878 meñ dollar külämendä dekorativ üsemleklär häm êşlänmäläre satıldı.