Türkiyäneñ çäy êksportı ni xäldä?
Ağımdağı yılnıñ 4 ayında çäy êksportı uzğan yılnıñ şul uq çorı belän çağıştırğanda 39%qa artqan
Türkiyä ağımdağı yılnıñ ğıynwar - aprel’ aylarında 98 ilgä, üzidarale töbäk häm irekle zonalarğa çäy sattı.
Bu xaqta Könçığış Qara diñgez êksportçılar assośiyaśiyäseneñ idarä şurası başlıq urınbasarı Äxmät Xamdi Gürdoğan belderde.
Gürdoğan bilgeläp uzğança, bıyılnıñ 4 ayında cit illärgä 2 meñ 323 tonna çäy cibärelde, älege eksporttan 11 million 365 meñ 591 dollar tabış alındı.
“Ağımdağı yılnıñ 4 ayında çäy êksportı uzğan yılnıñ şul uq çorı belan çağıştırğanda 39%qa arttı. İñ küp çäy satılğan illär - Bel’giya, Amerika Quşma Ştatları, Böyekbritaniya. Bel’giyägä bu çorda 4 million 765 meñ 324 dollar, AQŞqa 1 million 934 meñ 866 dollar häm Böyekbritaniyägä 953 meñ 309 dollar külämendä çäy êksportlandı”,- dide Gürdoğan.
Könçığış Qara diñgez êksportçılar assośiyaśiyäseneñ idarä şurası başlıq urınbasarı Äxmät Xamdi Gürdoğan uzğan yılnıň ӓlege çorınnan ayırmalı bularaq bıyıl bu däwerdä Slovakiya, Meksika, İspaniya, İtaliya, Gabon, Panama, İndoneziya, Malayziya, Tayvan’, Portugaliya, Angola, Gambiya, Togo häm Ruandağa da çӓy cibӓrelüen äytte.
