Türkiyäneñ diñgez äkäm - tökäme êksportı artqan
Bıyılnıñ 3 ayındağı êksport uzğan yılnıñ şul uq çorı belän çağıştırğanda küläm yağınnan 25%qa, qıymmät yağınnan 129%qa artıq
Türkiye bıyılnıñ berençe çiregendä 5 ilgä diñgez äkäm-tökäme êksportladı häm annan 5 million 559 meñ 24 dollar tabış aldı.
Könçığış Qara diñgez êksportçılar assośiaśiyäse mäğ’lümatlarına qarağanda, 2023 nçe yılnıñ berençe 3 ayında çit illärgä 531 tonna diñgez äkäm - tökäme satıldı.
Bu isä uzğan yılnıñ şul uq çorı belän çağıştırğanda küläm yağınnan 25%qa, qıymmät yağınnan 129%qa artıq.
Anı satıp aluçı illär: Kön’yaq Koreya, Yaponiya, Qıtay, İspaniya häm Gruziya.
Älege däwerdä Kön’yaq Koreyağa êksport 195%qa artqan, älege ilgä 2 million 307 meñ 380 dollarğa 194 tonna diñgez äkäm - tökäme satıldı.
Yaponiyägä 1 million 337 meñ 760 dollar, Qıtayğa 1 million 277 meñ 379 dollar, İspaniyägä 633 meñ 31 dollar häm Gruziyägä 3 meñ 474 meñ dollar külämendä produkśiya cibärelde.
