Üzäk bank prośent stavkaların 50 bazis bilgegä kimette
Türkiyä Cömhüriyät Üzäk bankı (TCMB) säyäsät prośentın 50 bazis bilgegä töşerep 9%tan 8,50%qa kimette
TCMB Türkiyä Cömhüriyät Üzäk bankı aqça säyäsäte şurası Üzäk bank başlığı Şahap Kavcıoğlu räislegendä başqala Änkarada atnakiçen cıyıldı.
Şura säyäsät prośentınıñ 9%tan 8,5% däräcäsenä töşerelüe qararına kilde.
Üzäk banktan yasalğan belderüdä:
"Şura bu ülçäwle taşlamadan soñ aqça säyäsäte torışınıñ cirteträwdän soñ kiräkle torğızunı täêmin itü öçen citärle buluın sanıy. İnflyaśiyanıñ däräcäsendä häm awışlığında yaxşırular kürenä başlanğan çaqta zilzilä yul açqan täêmin itü häm soraw-taläp tigezsezlekläreneñ inflyaśiyağa yoğıntıları yaqınnan küzätelä,” – dip äytelde.
6nçı fevral’dä barlıqqa kilgän Kahramanmaraş êpiśentrlı cirteträwlärneñ iq’tisadqa daimi yoğıntı yasamayaçağınıñ farazlanuına basım yasalğan belderüdä: “Şura yäşängän fäläqätneñ yoğıntılarınıñ iñ tübän däräcägä töşerelüe häm kiräkle üzgärtep qorularğa bulışu maqsatınnan çığıp yaraşlı finans şartlarının buldırıluına östenlek biräçäk,” – dip iskärtelep uzıldı.
