Türkiyäneñ Germaniyägä êksportında rekord
Germaniyä uzğan ayda da Türkiyäneñ iñ küp êksport yasağan il statusın saqlap qaldı
Türkiyädän Germaniyägä uzğan ay 1 milliard 594 million dollarlıq êksport yasaldı. Bu iñ yuğarı ğıynvar ayı kürsätkeçe.
Türkiyä êksportçılar mäclese mäğ’lümatlarına qarağanda, ğıynvarda Germaniyägä satu, uzğan yılnıñ şul uq çorına qarağanda, 7,7%qa arttı. Türkiyäneñ tulayım êksportında älege ilneñ öleşe 8,2% buldı.
Şulay itep, Germaniyä Türkiyäneñ iñ küp êksport yasağan il statusın saqlap qaldı. Annan soñ 1 milliard 4 million dollar belän Amerika Quşma Ştatları, 890 million 934 meñ dollar belän Böyekbritaniyä, 804 million 437 meñ dollar belän İtaliya, 790 million 350 meñ dollar belän Rusiyä kilä.
Türkiyäneñ Germaniyägä ğıynvar ayındağı êksportında berençe urında avtomobil’ industriyäse tora. Şulay uq, kiyem-salım, metal tarmağı da aldınğı.
Bäyläneşle xäbärlär
Yulçı sanında rekord
”Törek hawa yulları” aviakompaniyäse 2023 nçe yılda 83 million 400 meñ yulçığa xezmät kürsätte