Ugandada däwlät xezmätkärlärenä çit ilgä säfärlär tıyıla
Uganda ilbaşı Yoveri Museveni çığımnarnı kimetü öçen şundıy kürsätmä birde

Uganda ilbaşı Yoveri Museveni çığımnarnı kimetü öçen däwlät xezmätkärläre häm deputatlarnıñ çit ilgä säyäxätlären tıyu kürsätmäse birde. Ul Uganda neft’ institutınıñ Kigumbadağı ob’yektların qararğa barğaç investiśiyälär öçen citärlek çığanaq bulmawın äytte.
“Däwlät xezmätkärläre häm deputatlarnı çit ilgä säyäxät itüdän tuqtarğa çaqırığız. Kigumba monda aqça öçen yılağanda, barlqı aqça tışqı säfärlärgä kitä,”-dide Yoveri Museveni.
İlbaşı neft’ häm gaz şikelle iq’tisadqa milliardlağan dollaq kiteräçäk tarmaqqa östenlek birelmäw säbäple finans ministrlığına rizasızlıq belderde. Museveni kiläçäkneñ neft’ tikşerenüçelären citeşterüçe ob’yektqa citärlek byudjet ayırılmawın tänqıyt’läde. Ul wäzğıyät’neñ planlaştıru citmäwdän kilep çığuın äytte.
Ugandağı üzendäge yatmalarnı neft’ütkärgeçlär proyektı belän Tanzaniyägä çığarıp 2025nçe dön’ya bazarında satarğa uylıy. Albert külendäge rezervlardan kön sayın 200 meñ miçkä qara altın suırtu planlaştırıla.
Neft’ yatmalarınıñ 56%ına - Total, 28%ına - Qıtay milli açıq diñgez neft’ şirkäte,15%ına isä Uganda milli neft’ şirkäte xuca.