Davos forumı başlandı

Davos sammitı bularaq ta bilgele Bötendön’ya iq’tisadi forumınıñ 53nçese başlandı. Ul Şveyśariyäneñ Davos şähärçegendä uza.

Bıyıl forum “Bülgälängän dön’yada xezmättäşlek” teması astında oyıştırıla. Anda 30 ildän 2 meñ 700dän artıq qatnaşuçı kilä. Alarnıñ 50se däwlät yäisä xökümät başlığı.

Bik küp sanda xalıqara oyışma wäkile häm êşmäkärlär dä qatnaşaçaq forum 20nçe ğıynvarğa qadär däwam itä.

Liderlarnıñ çığışları häm törle tarmaqtağı utırışlar irtägä başlanaçaq.

Türkiyädän sammitta räsmi qatnaşuçı bulmayaçaq. AQŞ, Qıtay häm Rusiyä şikelle däwlätlärdän dä forumğa liderlar barmıy.

Çara qısalarında iq’tisadtan totınıp 24nçe fevral’dän birle baruçı Rusiyä-Ukraina suğışı, koronavirus kizüe, texnologiyä, ênergetika, klimat üzgärü, sälamätlek saqlaw, migraśiya häm başqa xalıqara krizis mäs’äläläre qaralaçaq.

Klimat aktivistları kiçä Davostağı Poçta mäydanında Bötendön’ya iq’tisadi forumı häm klimat üzgärügä protest belderde. Êkologlar älege çaranıñ barı iq’tisadi problemalarnı qarawın, klimat üzgärü häm başqa ähämiyätle mäs’älälärgä çişeleş täq’dim itmäwen belderä.