Türkiyä qaysı illärgä küp sata?

Türkiyäneñ êksportı noyabr’dä 21 milliard 900 million dollar täşkil itte. İlneñ statistika oyışması häm säwdä ministrlığı xezmättäşlegendä açıqlanğan waqıtlıça tışqı säwdä mäğ’lümatları bilgele buldı.

Annan kürengänçä, Ğomumi säwdä sisteması qısalarında noyabr’dä êksport, uzğan yılnıñ şul uq ayı belän çağıştırğanda, 2,1%qa arttı.

Ä ğıynvardan noyabr’gä qadärge sannarnı alğanda, kürsätkeçlär, uzğan yılnıñ şul uq çorına qarağanda, 13,9%qa yuğarıraq. Tışqı säwdä 231 milliard 295 million dollar täşkil itkän.   

Noyabr’dä Türkiyädän tovar satıp aluçılar arasında berençe urında Germaniyä tora - alarğa 1 milliard 859 million dollarlıq êksport yasalğan. İkençe urında 1 milliard 447 million dollar belän AQŞ, annan soñ 1 milliard 302 million dollar belän Ğıyraq kilä. Rusiyä isä 1 milliard 156 million dollarlıq tovar êksportladı häm dürtençe urınnı biläde. Bişençe urında 1 milliard 78 million dollar kürsätkeç belän İtaliyä. Noyabr’dä älege 5 däwlätkä yasalğan êksport tulayım tışqa satunıñ 31,2%ın täşkil itä.

Ğıynvardan noyabr’gä qadärge çorda da berençe urında Germaniyä. Annan soñ AQŞ, Ğıyraq, Böyekbritaniyä häm İtaliyä kilä. Älege 5 ilgä êksport şuşı çorda barlıq tışqı satunıñ 30,6%ın alıp tora.