"Türkiyädä tözeläçäk tabiği gaz üzäge bazarda açıq häm ğadel bäyälär biräçäk"

Bu xaqta "Gazprom" başlığı Aleksey Miller belderde

1924968
"Türkiyädä tözeläçäk tabiği gaz üzäge bazarda açıq häm ğadel bäyälär biräçäk"

Rusiya ênergetik kompaniyäse “Gazprom” citäkçese Aleksey Miller Türkiyädä tözeläçäk tabiği gaz üzägeneñ bazarda açıq häm ğadel bäyälär biräçägen äytte.

Ul “Gazprom”nıñ 2022 nçe yılğı êşçänlege xaqındağı belderüendä şirkätneñ bıyıl 412,6 milliard kub metr gaz citeşteräçägen iskärtte.

Miller äytüençä, şirkät bıyıl Bäysez däwlätlär berlegennän tış illärgä 100,9 milliard kub metr tabiği gaz êksportlayaçaq , global’ gazğa ixtıyac bıyıl 65 milliard kub metrğa kimegän.

Millier global tabiği gaz bazarınıñ tiz üseşen däwam itäçägen häm kiläse 20 yılda gaz qullanunıñ 20%qa artaçağın äytte.

Aleksey Miller ”Törek ağımı” häm “Zäñgär ağım” tabiği gaz ütkärgeçläreneñ ışanıçlı êşläwen belderep bolay dide: “Xäzer bez Türkiyä belän bergä bu ildä tabiği gaz üzäge proyektı östendä êşli başladıq. Qararnı ike däwlät citäkçeläre qabul itte häm bez anı ğamäli tormışqa aşıra başladıq. Tabiği gaz üzäge bazarda açıq häm ğadel bäyälär biräçäk”.

“Gazprom” citäkçese yaqın kiläçäktä Qıtayğa yılına 48 milliard kub metr gaz cibäräçäklärenä basım yasadı häm Mongoliya aşa cibärergä planlaştırılğan küläm dä östälgändä barlığı 100 milliard kub metrğa ireşergä uylawların citkerde.



Bäyläneşle xäbärlär