Urmannı kisep citeşterü tıyıla

Awrupa Berlege däwlätläre urmannarğa zarar birep citeşterelgän tovarlarnı üzenä kertmäyäçäk

1915464
Urmannı kisep citeşterü tıyıla

Awrupa Berlege däwlätläre urman alannarına zarar birep üsterelgän soya, sıyır ite, pal’ma mayı, ağaç, kakao häm käxwä şikelle tovarlarnı importlamaw mäs’äläsendä kileşte.

Awrupa Berlege şurası äğ’za illär häm parlament arasında söyläşengän häm Awrupa yäşel konsensusı qısalarında urmannarnıñ yuqqa çığuın kimetü öçen äzerlängän qanunda kileşülären belderde. Anıñ nigezendä Awrupa Berlegendä satıluçı tovarlarnıñ urman kiselüenä kitermäwe iğ’tibarğa alınaçaq.

Pal’ma mayı, sıyır ite, ağaç, käxwä, kakao, kauçuk, soya, şokolad, öy cihazı, qäğaz’ şikelle tovarların Awrupa bazarına çığarırğa teläwçelärgä qarata qatğıy qağıydälär kertelä.

İke yıl êçendä produktnı qullanu alannarın kiñäytü öçen bäyäläw uzdırılaçaq.

Barı 2020nçe yıldan soñ urmannarnı yuqqa çığaru yäisä kisügä kitermägän cirlärdä citeşterelgän tovarlarnıñ Awrupa Berlege bazarına kerüenä yul quyılaçaq. Älege produktlarnı çığaruçı däwlätlärne “tübän”, “urta” häm “yuğarı” risklı bularaq sıynıflandıraçaqlar.

Bilgelängän qağıydälärne ütämäwçe firmalar Awrupa Berlegendäge yıllıq keremeneñ 4%ı külämendä ştraf tüläyäçäk.

Yaña qanun Awrupa parlamentı häm äğ’za däwlätlärneñ räsmi raslawınnan soñ berlekneñ Räsmi gazetında basılıp ğamälgä keräçäk.



Bäyläneşle xäbärlär