Gazprom Ukraina aşa gaz cibärüne kimetmäkçe

Rusiyä ênergetika şirkäte Gazprom Moldovağa cibärelgän tabiğıy gaznıñ ber öleşeneñ Ukrainada qaluı açıqlanuın belderde. Bu xaqta yasalğan belderüdä Moldova için Sudja noqtasınnan cibärelgän zäñgär yağulıq külämeneñ Ukrainadan Moldovağa kergänennän kübräk buluı äytelä. “Ukraina aşa Moldova öçen qudırıluçı tranzit gazdağı tigezsezlek däwam itsä, Gazprom 28nçe noyabr’dä Sudja noqtasınnan yağulıq cibärüne kimetä başlayaçaq” dip kisätä şirkät.

Belderüdä xäzer Gazpromnıñ Sudjadan kön sayın 42,9 kubometr tabiğıy gaz cibärelüe citkerelä.

Ukraina Awrupağa kitüçe Rusiyä gazınıñ öçtän beren qudıruçı “Soxranovka” noqtasınnan qabul itüne tuqtattı. Şunnan soñ yağulıq barı Sudja aşa cibärelä başladı.