Äzer kiyımdä êksport rekordı

Äzer kiyım häm konfeksion tarmağı bıyıl 10 ayda 17 milliard 873 million dollar êksport belän böten waqıtnıñ iñ yuğarı ğıynwar’-üktäbr’ êksportın başqardı

1906227
Äzer kiyımdä êksport rekordı

Türkiyä êksportçılar assambleyası mäğ’lümatlärenä kürä, 2022nçe yılnıñ ğıynwar-üktäbr çorında êksport uzğan yılnıñ şuşı uq çorına qarağanda 15,4%qa artıp 209 milliard yarım dollar buldı.

Äzer kiyım häm konfeksion tarmağı 2022nçe yılnıñ ğıynwar-üktäbr’ aylarında uzğan yılnıñ şuşı uq çorına qarağanda 7% artu belän 17 milliard 873 million dollarlıq êksportnı tormışqa aşırdı. Bu räweşle tarmaq böten waqıtnıñ iñ yuğarı ğıynwar-üktäbr’ çorı êksportına ireşte.

Sektorda uzğan ayda iñ küp êksport yasalğan il 257 million dollar belän Germaniya buldı. Germaniyadan soñ 234 million dollar belän İspaniya häm 161 million dollar belän Böyık Britan.

Tarmaq ğıynwar-üktyäbr çorında isä Germaniyağa 3 milliard dollar, İspaniyağa 2 milliard 300 million dollar häm Böyık Britanğa 1 milliard 800 million dollar külämendä êksport başqardı.

Bıyıl 10 ayda Awrupa Berlege illärenä 11 milliard dollar, başqa Awrupa illärenä 2 milliard 300 million dollar häm Yaqın Könçığış illärenä 1 milliard 400 million dollar külämendä êksport yasaldı.

Türkiyä êksportçılar assambleyası mäğ’lümatlärenä kürä, uzğan ayda 177 ilgä häm töbäkkä êksport başqarğan äzer kiyım häm konfeksion tarmağı bıyıl 10 ayda isä 213 ilgä häm töbäkkä êksport başqardı.



Bäyläneşle xäbärlär