Törek çäye çitkä ağıla

Törek çäye bıyılnıñ 9 ayında iñ kübe Bel’giyägä satıldı.

Könçığış Qara diñgez êksportçılar berlege mäğ’lümatlarına qarağanda, Türkiyädän ğıynvar-sentyabr’ çorında 106 il, avtonom cirlek häm irekle töbäkkä 4 meñ 870 tonna çäy cibärelgän. Älege satudan 16 million 595 meñ dollardan artıq kerem täêmin itelgän. Bu kürsätkeçlärgä qarağanda, bıyılğı 9 ayda çäy êksportı, uzğan yılnıñ şul uq çorı belän çağıştırğanda, küläm yağınnan 42%qa, qıymmäte yağınnan 26%qa artıq.  

Türkiyädän xuş isle êçemlekne satıp aluçı illär isemlegenä kilgändä, berençe urında Bel’giyä tora. Alarğa 1088 tonna çäy cibärelgän. Annarı Böyekbritaniyä häm Germaniyä kilä.  

Uzğan yıldan ayırmalı bularaq, bıyıl törek çäyen aluçılar arasında Êstoniya, Mayotta häm Boliviya da bar.