Çarl'z portretı sürätlängän aqçalar çığa
Angliyä aqça suğu yortı kiläse atnadan başlap 50 pens täñkäläreneñ kollekśionerlar öçen satuğa çığaçağın, yıl axırınnan alda isä ğomumi qullanuğa äzer bulaçağın belderde
Patşabikä Êlizabet İkençeneñ ülemennän soñ täxetkä utırğan Angliyä patşası Çarl’z Öçençe sürätlängän berençe täñkälär xäzerlände.
BBCneñ xäbärenä qarağanda, aqçalarnıñ berniçä atna êçendä äyläneşkä kerüe kötelä. Alarnınñ östendä patşa Çarl’z tacsız sürätlänä. Elizabet İkençe tac belän töşerelgän ide.
Aqçalarda Angliyä sınçısı Martin Jennings yasağan portret qullanıla.
Angliyä aqça suğu yortı kiläse atnadan başlap 50 pens täñkäläreneñ kollekśionerlar öçen satuğa çığaçağın, yıl axırınnan alda isä ğomumi qullanuğa äzer bulaçağın belderde.
Çarl’z portretı kiläse yıldan 1 penstan başlap 2 sterlingqa qadär barşıq timer aqçalarda basılaçaq.
Patşabikä Êlizabet İkençeneñ portretı töşerelgän täñkälär dä äyläneştän alınmayaçaq, yañaları belän bergä qullanılaçaq.