İlon Mask berençe tapqır iñ bay keşe buldı

Êşmäkär Forbs isemlegendä bıyıl berençe

1885504
İlon Mask berençe tapqır iñ bay keşe buldı

Texnologiyä şirkätläre Tesla häm SpaceXnıñ yuğarı idaräçese İlon Mask Forbsnıñ isemlegendä täwge tapqır berençe urınğa çıqtı. Jurnal 41nçe tapqır AQŞtağı iñ bay 400 êşmäkärneñ isemnären atadı.

İlon Mask mal-mölkäten uzğan yılğa qarağanda 60 milliard dollarğa arttırıp bıyıl isemlekneñ başında urın aldı. Moña qadär älege urın 4 yıl rättän Amazon şirkäteneñ êlekkege idaräçese Djeff Bezosnıqı ide. Xäzer Mask anı ikençe urınğa êtep töşerde.  

AQŞnıñ iñ bay êşmäkäre bu uñışın Tesla akśiyälärendäge 11%lıq artudan kürä.

Öçençe urında programmaçı häm investor Bill Geyts tora.

“Facebook”ka nigez salğan Mark Śukerberg berençe unlıqqa kerä almadı. İsemlektä ul uzğan yıl 3nçe ide, bıyıl 11nçe. Śukerberg 2021nçe yılnıñ sentyabrennän birle baylığının yartısınnan artığın yuğalttı. Ul soñğı 1 yılda küp aqça yuğaltqan Forbs bayları arasında berençe.



Bäyläneşle xäbärlär