Tesla 1 millionnan artıq maşinasın kire cıyıp ala

Êlektrlı maşina çığaruçı Tesla AQŞtağı 1 million 100 meñ avtomobil’ne, täräzäläreneñ bik tiz yabıluı häm keşelärneñ barmaqların qıstıru ixtimalı säbäple, kire çaqırta.

BBCneñ xäbärenä qarağanda, maxsus tikşerü törkeme maşinalarda ber kimçelek çıqqanda täräzälärneñ döres reakśiyä kürsätmäskä mömkinlegen açıqlağan. İlneñ yul xäräkäte iminlege idaräse monıñ qurqınıçsızlıqnı bozu buluın belderde.

Tesladan yasalğan belderüdä xilaflıqnıñ ber programmanı üzgärtü belän çişeläçäge äytelä. Şirkät avtomatik täräzälär belän bäyle problemanı avgusttağı citeşterü testı waqıtında kürep ala. Anıñ belän bäyle bernindi garantiyä däğ’wası, hälakät, yaralanu yäisä ülem belderüe kilmägän.  

Problemalı avtomobil’lärneñ xucalarına 15nçe noyabr’dän başlap xat belän mäğ’lümat cibäreläçäk.